الاثنين، 28 يونيو 2010

الله يستر من الي يااي

قلت ضروري يكون اول موضوع عشان تضحكون معاي شوي على ذكاء خدامتنه اليديده ...
طبعا اول يوم يبناها اتدش الحمام ( وانتوا بكرامه ) تقفل الباب على روحهاا ولمن بتطلع ما تعرف تبطله .. ذكرتني بسوالفي قبل وانا ياهل اقفل على روحي وابجي ((اي ليش قافلته)) ..بس اهيا للاسف عمرها 18 واثيوبيه لووول ..فا نخليها جذي نص ساعه تحاول مع روحها تبطل الباب ..ومع المحاولات بطلته واخيرااا بغيت اسوي حفله وبوفيه واعزم رفيجاتي بهل المناسبه ..
وظلت على هل الحاله 3 ايام بعدين تعلمت ..في الحقيقه بغيت اسوي لها كتيب اصغير باللغه الاثيوبيه ((كيف تفتحين باب الحمام)) مادريي بديرتهم ماكو بيبان ولا ماكو مفاتييح ..

_________________

والله يسلمكم ثاني سالفه قعد تسوي اندومي حق اليهال ..وتوقعوا شلون بتشيل الجدر ..
(بكلنكس)... والجوله مشبوبه ..الله واكبر .. جان يحترق الكلنكس جان اقولها قطيه على الارض ..طبعا بلغه الاشاره
جان ينطفي .. والله يستر من اللي يااي ...
_________________

وثالث سالفه .. امي تقولها يبي فوطه البيبي ..جان تززخ ولد اختي واهوا بنص نوومته المسكين وتيبه لهاا .. امي لفت ويها جان يخترع المسكين يطالعها واهوا منصدم بين قاعد ونايم ..لوووول امي تقولهاا مو بيبي.. فوطه فوطه مال حماام مشي بيبي .. طبعا سوالفها ما تخلص..
وهذول من بين سوالفها اللي اتذكرهم ..

الافتتاح

اول شي خل اقص الشريطه الحمرااا..
لا لا داعي للتصفيق احرجتونيي ...
بسم الله نبدأ ..
طبعا هذي اول مدونه لي ومن اسمها قرقيه .. يعني راح اقرق عليكم وأقولكم سوالفي ومواقفي ال (مضحكه)..وال(الغبيه)..وال(الأليمه)
وانشالله تستمتعون معاي وبسوالفي واكون عند حسن ضنكم ..وشكرا؟؟ وراح اكون متابعه معااكم ..
p.c: شكر خاص حق المدون (يسوف الصايغ) لانه ساعد في تصميم مدونتي ..ماراح انسى لك هذا الجميل مره اخرى شكرا